ARDENT
Klinikë dentare

Sipërfaqja 90 m2

Lipjan, Kosovë

Projekti i enterierit për klinikën dentare Ardent është një reflektim i një qasjeje moderne dhe harmonike në dizajn, ku çdo element është menduar me kujdes për të krijuar një ambient të ngrohtë, të pastër dhe të mirëpritur për pacientët.Paleta e materialeve dhe ngjyrave ka qenë pika kyçe e konceptit, duke u bazuar në kombinimin e bardhësisë së pastër, që simbolizon higjienën dhe dritën, dhe nuancës së kaltër të mbyllët, që sjell gjallëri dhe një ndjenjë besimi. Ngjyra e bardhë jo vetëm që reflekton pastërtinë, por edhe krijon iluzionin e një hapësire më të madhe, ndërsa e kaltra e mbyllët shton thellësi dhe kontrast, duke e bërë ambientin më tërheqës vizualisht.Për të balancuar ndjesinë sterile të bardhësisë, në dizajn janë integruar forma harkore që e zbusin hapësirën dhe e bëjnë më të rehatshme për pacientët, duke e kthyer eksperiencën e vizitës dentare në një përvojë më të qetë dhe të këndshme. Këto linja të buta krijojnë një ndjesi rrjedhsh dhe harmonie në të gjithë ambientin.Një element tjetër thelbësor i dizajnit është ndriçimi, i cili është trajtuar si një pjesë integrale e atmosferës. Ndriçimi natyral është maksimalizuar për të sjellë jetë dhe freski në hapësirë, ndërsa ndriçimi artificial është projektuar me kujdes për të krijuar një efekt skenik, duke theksuar elementët arkitekturorë dhe duke i dhënë ambientit një ndjenjë ekskluziviteti dhe sofistikimi.Në tërësi, Ardent është konceptuar si një klinikë që nuk është vetëm funksionale, por edhe estetike, duke sjellë një eksperiencë të re për pacientët – një hapësirë moderne, mikpritëse dhe me një ndjesi qetësuese, që përmirëson jo vetëm ambientin fizik, por edhe përjetimin emocional të çdo vizite.